ზვიად გამსახურდიას მიმართვა ახალგაზრდობისადმი

საქართველოში მე მინდა ნამდვილი "ჰაიდ პარკი"

რომაულ ლიტერატურაში გაიუს სალუსტიუს კრისპუსს (86-35) განსაკუთრებული ადგილი უჭირავს როგორც თავისი ისტორიული კონცეფციით, ისე სტილისა და თხრობის თავისებურებებით.
მისი თხზულებებიდან ჩვენამდე მოაღწია ისტორიულმა ნაშრომებმა "კატილინას შეთქმულება" და "ომი იუგურთასთან", ასევე ექვსმა ვრცელმა და ხუთასამდე მოკლე ერთმანეთთან დაუკავშირებელმა ფრაგმენტმა მისი "ისტორიებიდან", კეისრისადმი მიწერილმა ორმა წერილმა, რომელიც შეიცავს ავტორის რჩევებს სახელმწიფო მოწყობის შესახებ, აგრეთვე ციცერონისადმი მიმართულმა განმაქიქებელმა სიტყვამ (ინვექტივამ). სწორედ ამ უკანასკნელ ლიტერატურულ ძეგლს ეძღვნება წინამდებარე ნაშრომი.

მთავარი საკითხი, რომელიც ქართველ ხალხს I მსოფლიო ომის დაწყებისთანავე აწუხებდა, იყო ოსმალეთის პოზიცია - ჩაებმებოდა თუ არა იგი ომში. აქედან გამომდინარე, მიუხედავად სხვადასხვა პოლიტიკური და ჟანრობრივი მიმართულებისა, ამ პერიოდში გამომავალი ყველა ჟურნალ-გაზეთი, ითვალისწნებდა რა ქართველი ხალხის განსაკუთრებულ ინტერესს, საქართველოს უახლოესი მეზობლისა და ისტორიული მოწინააღმდეგის - ოსმალეთის მიმართ I მსოფლიო ომში მის ჩაბმამდე და ჩაბმის შემდეგ, ცდილობდა ფართოდ გაეშუქებინა და ოპერატიულად მიეწოდებინა მკითხველისთვის ყველა სახის ცნობები ოსმალეთის პოლიტიკურ-სამხედრო-ეკონომიკური და სოციალური მდგომარეობის შესახებ.

XIX საუკუნის 70-იან წლებში აღმოსავლეთი კვლავ მსოფლიო ყურადღების ცენტრში მოექცა. ინგლისი ისევ ეწინააღმდეგებოდა რუსეთის მიერ ბოსფორისა და დარდანელის სრუტეების ხელში ჩაგდების ცდებს. ავსტრია-უნგრეთს რუსეთის ბალკანეთზე გაბატონება აშინებდა. გერმანია კი აღმოსავლეთის საკითხის გამწვავებას უწყობდა ხელს, ცენტრალურ ევროპაში თავისუფლად რომ ემოქმედა.