2005 წელი მეტად ფასეული იყო ქართული ეროვნული ცნობიერებისა და სულისკვეთების განმტკიცებისათვის, რასაც დიდი მნიშვნელობა აქვს ეროვნული სახელმწიფოებრიობის განვითარებისათვის. მხედველობაში გვაქვს გამოჩენილი ქართველი სამხედრო და საზოგადო მოღვაწის, საქართველოს ეროვნული გმირის, 1921-1924 წლების ეროვნულ-განმათავისუფლებელი მოძრაობის აღიარებული ლიდერის, პოლკოვნიკ ქაიხოსრო (ქაქუცა) ჩოლოყაშვილის (1888-1930) სამშობლოში გადმოსვენება.

დავით აღმაშენებლის გარდაცვალებას "ცხორებაი მეფეთ-მეფისა დავითისი" ურთიერთდაპირისპირებული დრო-ჟამით ხატავს ამქვეყნიური, წარმავალი, წუთისოფლისეული და მარადიული, უკვდავი, სიკვდილის შემდგომი სამყოფი. მემატიანე აგიოგრაფიული ხატწერის კანონიკით აღწერს მეფის გარდაცვალებას და სასუფეველში დამკვიდრებას.

საქართველოს უწმინდესმა პატრიარქმა ახალგაზრდათა მიერ მეცნიერების უკეთ დაუფლების მიზნით შემოგვთავაზა "ღრმა აზროვნების" პროგრამა, რაც მოითხოვს ფაქტების უფრო ღრმა ანალიზს. ეს არის კურთხევა, რომელიც უნდა შესრულდეს. უნდა შეიქმნას "ღრმა აზროვნების" სასკოლო სახელმძღვანელოები. ამჟამად ათასობით მოსწავლე და სტუდენტი ეუფლება რელიგიის ისტორიას.

მრავალმხრივია ცნობილი მწერლისა და საზოგადო მოღვაწის რაფიელ ერისთავის შემოქმედებითი და მეცნიერული მემკვიდრეობა. იგი იყო XIX საუკუნის თვალსაჩინო პოეტი, დრამატურგი, პუბლიცისტი, ლექსიკოგრაფი და, აგრეთვე, საქართველოს სიძველეების მკვლევარი.