კავკასიოლოგია

ჰერალდიკის მთავარ დოკუმენტურ წყაროს შეადგენს ცალკეულ საგნებსა და ნაგებობებზე არსებული გერბების გამოსახულებები. ფართო პლასტი ჰერალდიკური მასალისა შემონახულია ქრონიკებში, პოემებში და სხვა ეპიგრაფიკულ საბუთებში. მეტნაკლებად სპეციფიკური ტიპი ჰერალდიკური წყაროსი არის გერბების კრებული და გერბთა ნუსხა.

წინამდებარე ნაშრომი დაწერილია საველე მასალებზე დაყრდნობით, რომლებიც შეაგროვეს 1996-2001 წლებში ადიღეის რესპუბლიკაში და აფხაზეთის რესპუბლიკაში ექსპედიციების დროს. ამასთანავე, ავტორი ეყრდნობა ისტორიულ კვლევასა და ამ თემაზე გამოქვეყნებულ მონოგრაფიებს.

XX ს-ის დიდ არქეოლოგიურ აღმოჩენებს მიემატა კიდევ ერთი საყურადღებო აღმოჩენა. იტალიელმა არქეოლოგებმა სირიის არაბთა რესპუბლიკის ტერიტორიაზე მიაკვლიეს ებლას, უძველეს ქალაქ-სახელმწიფოს, რომელიც ამ ტერიტორიაზე ძვ.წ III-II ათასწლეულებში არსებობდა. აღნიშნულმა გათხრებმა კიდევ ერთხელ უარყო მეცნიერთა მიერ ადრე ჩამოყალიბებული დოგმატური მოსაზრება იმის შესახებ, რომ თურმე, კაცობრიობის პირველი ცივილიზაციები იქმნებოდა მხოლოდ დიდი მდინარეების მიმდებარე ტერიტორიებზე: ტიგროსისა და ევფრატის შუამდინარეთში, ნილოსზე და სხვ.

მგელ-ძაღლის კულტის არსებობა სხვადასხვა ხალხში უძველესი დროიდან დასტურდება. მგელ-ძაღლი დაკავშირებული იყო მამაკაცთა გაერთიანების სიმბოლიკასთან და მითოლოგიასთან. ასეთივე წარმოდგენა არსებობდა მცირე აზიაშიც - ხეთებშიც, რომელთა რიტუალების ძირითადი მონაწილენი იყვნენ "მგელკაცები" და "ძაღლკაცები". ამ ტერმინებში მოიაზრებიან ის ადამიანები, რომლებიც ცხოველის ნიღბებს ატარებდნენ და ღმერთებს ესაუბრებოდნენ.