კავკასიოლოგია

სტატია ეხება ბრინჯაოს ნივთებისაგან შემდგარი ერთ გამოუქვეყნებელ კოლექციას, რომელიც ჭიათურის მუნიციპალიტეტის სოფ. ნავარძეთში 1975 წელს საკარმიდამო ნაკვეთის დამუშავებისას აღმოჩენილა. იგი ქ. ჭიათურის მუზეუმში 1976 წელს შეუტანია ამავე სოფელში მცხოვრებს, გ. კაპანაძეს. ბრინჯაოს კოლექცია შედგება სამი ნივთისაგან: (1) ბრინჯაოს ცული; (2) ბრინჯაოს კოლხური ცული; (3) ბრინჯაოს სატევარი. სხვა მონაცემები ბრინჯაოს ნივთების აღმოჩენის ვითარებაზე არ მოგვეპოვება.

მალხაზ ბარამიძე (1935-2015 წ.წ.) ქართული არქეოლოგიური მეცნიერების ერთ-ერთი გამორჩეული წარმომადგენელია, რომელსაც განუზომლად დიდი ღვაწლი მიუძღვის, განსაკუთრებით კოლხეთის ბრინჯაო-ადრერკინის ხანის კულტურათა კვლევა-ძიებისა და შესწავლის საქმეში.

უძველესი ცივილიზაციების შესწავლისას, განსაკუთრებით ბრინჯაოს ხანაში, ხშირად ვხვდებით საერთო თემებსა და სიმბოლოებს, რომლებიც, მიუხედავად გეოგრაფიული და ეთნიკური განსხვავებებისა, კულტურულ და რელიგიურ ურთიერთკავშირებზე მიუთითებს. ეს სტატია ფოკუსირდება ოთხ, ერთი შეხედვით განსხვავებულ, მაგრამ ღრმა შინაარსობრივი კავშირების მქონე არტეფაქტზე, რომლებიც მოწმობს სამხრეთ კავკასიის, ახლო აღმოსავლეთისა და ეგეოსის ზღვისპირეთის რეგიონებში არსებულ რწმენა-წარმოდგენების, რიტუალების, რელიგიური იდეების მსგავსებასა და გავრცელებაზე.